Mobile tricks

अाफ्नो फोनमा भएका केही फिचरहरुका बारेमा धेरै जसोलाई थाहा नहुन सक्छ। फोनमा भएका केही फिचरहरुले हामीलाई अनावश्यक झन्जटबाट मुक्त गराउन सक्छ।

 

हामीले ह्वाटस् एप प्रयोग गर्दा यदि फोन लक छ भने अनलक गर्नु पर्ने हुन्छ। तर यो समस्या ह्वाट्स् एपको सेटिङमा गएर समाधान गर्न सकिन्छ। यसका लागि Settings>Notification>Popup Notification> Only when screen off गर्ने। सेटिङ सेभ गरेपछि फोनलाई अनलक नगर्दा पनि म्यासेज रिप्लाई गर्न सकिन्छ।

 

त्यस्तै फोनमा इन्स्टल गरिएका एप्लिकेशनहरुको नोटिफिकेशनका कारण यदि समस्या भइरहेको छ भने उक्त नोटिफिकेशन बन्द गर्न सकिन्छ। नोटिफिकेशन बन्द गर्नको लागि आएको नोटिफिकेशनमा केही समयको लागि क्लिक गर्ने। केही बेरपछि एउटा सेटिङ प्यानल खुल्नेछ। सेटिङ प्यानलको Allow notification विकल्पमा गएर बन्द गर्न सकिन्छ।

 

गुगल नाउको भ्वाइस फिचरका मद्दतले स्मार्ट कलिङ पनि गर्न सकिन्छ। यसका लागि आफ्नो कन्ट्याक्ट लिस्टमा रहेको कल गर्न व्यक्तिको नाम गुगल नाउमा लिनु पर्ने हुन्छ। यसपछि गुगलले स्वतः उक्त व्यक्तिलाई फोन लगाउने छ।

 

फोनमा गेम खेल्ने बेला उक्त गेमको ग्राफिक्स साइजलाई घटाएमा फोनको इन्टरफेस स्पीड बढ्छ। साइज घटाउनको लागि Settings>Developer Option> Transition Animation Scale मा गएर सेटिङ गर्नु पर्ने हुन्छ।

 

हामीले प्ले स्टोरबाट कुनै पनि एप डाउनलोड गरेपछि उक्त एपको सर्टकट होम स्क्रिनमा बन्ने गर्छ। यस्तो समस्या भएमा प्ले स्टोरमा गएर सेटिङ मिलाउनु पर्ने हुन्छ। सेटिङ मिलाउनका लागि Settings>Add icon to home screen  मा जानु पर्ने हुन्छ।